Улсын хэмжээний хот байгуулалтын кадастр нь улсын хэмжээнд газар нутгийн хөгжлийн болон хот, суурин газрын хот байгуулалтын төлөвлөлт, барилгажилтын баримт бичиг болох бөгөөд хот байгуулалтын кадастрт геодези, байр зүй, зурагзүйн материал, гидрогеологийн тухай мэдээлэл, хот байгуулалтын хөгжлийн болон газар, барилгажилтын тухай мэдээлэл, инженерийн, зам тээврийн болон нийгмийн дэд бүтэц ба газар нутгийн тохижилтын тухай мэдээллүүд юм. Эдгээр мэдээллийг бүрдүүлэгч нь аймгийн газрын харилцаа, барилга хот байгуулалтын газрууд бөгөөд тус бүс нутагт баригдах барилга байгууламж, өргөтгөл, засвар шинэчлэлийн ажилд барилгын ажил эхлүүлэх, үргэлжлүүлэх зөвшөөрлийг зохих журмын дагуу олгож, барилгын ажлын явцад бусад мэдээллүүдийг бүртгэж, барилга баригдаж дууссаны дараа гүйцэтгэлийн зургийг хүлээн авч, БАОК-н дүгнэлтийг олгох, тухайн нутагт байгаа бусад дэд бүтэц, обьектууд болон тэдгээрийн дэлгэрэнгүй мэдээллүүдийг бүртгэлжүүлдэг. Захиалагчийн хувьд бүртгэлжүүлэх орон зайн болон орон зайн бус мэдээллийн төрлүүдийг нэмэгдүүлэх хэрэгцээ шаардлага тулгарсан бөгөөд мөн өмнөх системийн дутагдлыг арилгах, нэмэлт боломжоор хангах шаардлага үүссэн.
